Shohar ka dusri aurat se Rabta

Question-AnswersCategory: marriageShohar ka dusri aurat se Rabta
HM asked 4 years ago

Aslamualikum,
 

Meri shadi ko 5 sal ho gay hai Allah pak ne 2 bar pregnant kiya lakin aulad na ho ski. Baad me uterine fibroids ho gy jis ki surgery krwaye aur woh khatam ho gy. Abhi tak mere rab ne mujh per karam nahi kiya. Mai ek working woman hu shadi k shuru se le ker abhi tk mera husband mera Atm apni pocket me rakhta hai aur sary salary niklwa leta hai jis me se mujhy sirf jaib kharch maheenay ka 2 hazar diya jata hai. Jab k woh jaib kharch maheenay ka 2.5 hazar apni ami ko aur 2.5 hazar apni choti behan ko deta hai.
 
Me 5 sal se unhay kama kama kr de chuki hu. Aur 06 october ko humari shadi ki salgira walay din mere sasur ghar se chalay gy thay tu mere husband ne btaya k woh es liye chalay gy hai k unho ne kaha hai k es se bacha nahi hona tu tum dusri shadi kr k elhada ghar bnao aur es ko hm es ghar me apnay pas rakh le gy.
 
Aur abhi kuch din guzray hai tu pichlay haftay se me dekh rhi hu k mere husband apni cousin se jis ko divorce huwi thi 8 yah 10 sal pehlay us ki ek beti b hai. Mere husband us se whatsap pr baat krty hai aur baad me conversation delete kr detay hai. Meri nazar sotay huway un k mobile pr pari thi jis me woh heart wali emoji usay bhej rhay thay aur phir conversation delete kr rhay thay. aur ek din me ne un k mobile pr us k msg dekhay thay “kidhr” “walk nahi ki” me us raat so nahi saki. Woh cousin multan me rehti hai. Aur hum lahore me. Aglay din me ne un ka mobile pakra video dekhnay k liye tu unho ne cheen liya. Me ne un se pucha k ap kiu mobile mujh se cheen rhay hai tu unho ne khud se hi kaha k tum ne mujh pr shak kb se krna shuru kr diya hai. Aur kuch es tarah ki guftgu hoti hai me tumhay nahi dikha skta. Me tu hamdardi k liye us se baat krta hu k aisay sari zindagi nahi guzarni chahye. Aur yeh k meri cousin bold type ki hai me nahi chahta k tum us guftgo ko parho.
 
Aur ab woh jo video status lagti hai mere husband us ko copy krty hai jasay wo road ki video bna k lagai with song. Tu yeh b kal mujh se keh rhay thy k video bnao road ki. Woh na hi namaz parhtay hai me un ko bohet kehti hu . Sirf jumma parh lety hai office walo k sth.
 
Me bohet sakht pereshan hu umer guzarti ja rhi hai aur aulad nahi hai. Darti hu k jab tk job kru gi tb tk mujhy apnay pas rakhay gy phir chor de gy.
 
Susral me koi b aisa nahi jo meri baat sunay kiu k un k father ne unhy pehlay hi dusri shadi ka bol diya hai meri gair majudgi me.
 
Allah k wastay meri madad kery me kiya kru dil ko skoon nahi ata me apnay shohar se bohet piyar kerti hu mar jaou gi ager unho ne mujhy jeetay ji chor diya.

Allah k wastay mujhy koi hal btaye.
 
Shukriya
Allah hafiz

Your Answer

10 + 2 =