Ghost ka pasand hona. abu ubaida bin jarah R.a kehtay hain kay main nay hazur pak p.b.u.h keliye handi pakai, choonkay aaqa e namdar p.b.u.h ko bong (taang , payay) ka ghost ziada pasand tha isliye main nay aik bong paish ki. phir hazur pak p.b.u.h nay dosri talab farmai.main nay dosri paish ki. phir hazur pak p.b.u.h nay teesri talab farmai. main nay arz kia ya rasool ALLAH p.b.u.h bakri ki 2 hi bongain hoti hain. hazur pak p.b.u.h nay farmaya us zaat ki kasam jis kay qabzay main meri jaan hai agar tu chup rehta aur jab tak mangta rehta , is daigchi main say bongain nikalti rehtin. SubhanALLAH
ye hai ALLAH ki muhabat hamaray pyaray nabi p.b.u.h kay sath. hazur pak p.b.u.h kay ghar main jo bhi paka hota tha aap tanawul farma laitay thay jabkay aajkal aap nay bhut say log aisay daikhay hoon gay kay koi cheez khanay main pasand nahi hoti to mu bana laitay hain. jabkay aisa nahi karna chayie. hamain apni zindagi bhi hazur pak p.b.u.h kay tarikay kay mutabiq guzarni chayie.
hazur pak p.b.u.h ki zindagi na sirf sahaba keliye balkay tamam dunia kay logon keliye aala misal hai aur hamain is say seekhna chayie. zindagi sada basar karni chayie aur ALLAH ki zaat par bharosa rkhna chayie takay ham falah pa skain. doston is message ko apnay baki doston kay sath bhi share karain takay unhe bhi faida ho. shukria.
