Monday , 25 March 2019
Breaking News

Khushnaseebi ki inteha


khushnaseebi ki inteha hai hai kay paiwand wala libas zaib e tan aur asmanon say bulawa ata hai kay ALLAH apnay khas banday ko aaj sair karayay ga. kia kia na dikhayay ga, kia kia na btayay ga, kia kia na ashkar karay ga sab kuch hoga. sab maazi say mulakat ho gi aur mustakbil kay jalway bhi dikhayay jayain gay.

umat keliye duayain manzoor hoon gi. rafatoon ki musafat tay ho gi. qab e qausain balkay us say bhi aagay ka safar ho ga. jalwa jalway kay roo baroo ho ga. insan ALLAH kay kareeb tareen ho ga. aisa qurb jo kabhi na hua aur na hi kisi ko hasil ho ga. laikin libas main paiwand rhay ga. khush naseebi wajood ka zahir nahi balkay wajood ka batin hai.

isliye bhaio hamain is tehreer say ye sabak milta hai kay zahiri tor par kisi ko daikh kay kuch nahi sochna chayie. batin main us ka martaba ALLAH kay nazdeek kia hai wo ALLAH ko pata hai. aur jab bat ati hai hamaray pyaray NABI PAK P.b.u.h ki to tamam ambiya, tamam sahaba, tamam auliya , ghos , qalandar , aur peer faqeer sabhi kay sir unkay aagay jhukay hain. na koi hamaray pyaray nabi pak p.b.u.h jaisa pehlay koi aia hai aur na hi koi ayay ga.

ALLAH nay hamaray pyaray nabi pak p.b.u.h ko aisi shan ata farmai hai jiski misaal kahin pay nahi milti. muhabat ki inteha hai kay dunia ko tehra kay apnay habeeb ko apnay pas bulaya aur apni shan kay jalway dikhayay subhanALLAH.

ALLAH hamain bhi unkay naqsh e qadam pay chalnay wala bnayay ameen. is message ko apnay doston kay sath share kar kay sawab hasil karain shukria.

Khushnaseebi ki inteha

Check Also

Shariyat aur tarikat

tauheed kay sath hazur pak p.b.u.h ki shariyat ho aur shariyat say muhabbat ho to …